Croeso i’r cyntaf o dri phostiad blog sydd wedi’u rhannu’n anffurfiol yn: âyr holl bethau yr hoffwn i fod wedi eu gwybod cyn i mi wneud cais am fy interniaeth doethuriaethâ. Mae’r cofnodion byr hyn wedi’u bwriadu ar gyfer y rhai ohonoch nad ydych erioed wedi clywed am wneud interniaeth yn ystod eich doethuriaeth, i’r rhai a allai fod hyd yn oed wedi dechrau gwneud cais!
Strwythur y gyfres:
- Awgrymiadau i wneud eich cais am interniaeth yn llwyddiant!
- Sut y gallai interniaeth doethuriaeth fod o fudd i chi!
- Myfyrdodau i gloi: h.y. = âa fyddwn i’n argymell gwneud interniaeth yn ystod eich doethuriaeth?â
HelĂ´, Jodie ydw i, ymchwilydd doethuriaeth trydedd flwyddyn (aaah!) yn Ysgol y Gwyddorau Cymdeithasol (SOCSI) ym Mhrifysgol Caerdydd. Mae fy nhraethawd ymchwil yn ymchwilio i effaith a niwed/niweidiau iaith casineb wrth-LGBTI+ ar-lein.
Roedd fy interniaeth yn swydd tri mis a ariannwyd gan Bartneriaeth Hyfforddiant Doethurol ESRC Cymru yn Llywodraeth Cymru (IonawrâEbrill 2021), a rhoddwyd y teitl canlynol ar fy mhrosiect: âDefnyddio astudiaeth yr Understanding Society i edrych ar newidiadau cymdeithasol yn ystod y pandemig COVID-19â.
Nawr, efallai eich bod wedi sylwi nad yw’n ymddangos bod y prosiect hwn yn gysylltiedig â phwnc fy noethuriaeth â a byddech yn llygad eich lle â nid oedd. Gall hyn fod yn fwy cyffredin nag yr ydych yn ei feddwl ac maeân cyflwyno fy awgrym cyntaf i feddwl am sut i sicrhau bod eich cais yn llwyddiant âŚ
- Meddyliwch beth yw eich cymhellion CHI ar gyfer gwneud cais
Bydd eich cymhellion yn bersonol â rwy’n deall hynny, ond pan fyddwch yn gwneud cais am interniaeth, bydd yn rhaid i chi ddarbwyllo pobl eraill bod y rhain yn rhesymau perthnasol i oedi eich doethuriaeth. Y bobl bwysicaf yn Ă´l pob tebyg fydd eich goruchwylwyr, gan fod angen iddynt âgymeradwyoâ eich absenoldeb pan fydd eich cais yn llwyddiannus!
Felly, byddwn yn argymell yn fawr i chi siarad drwy’r cyfle gyda hwy.
Pan glywais am fy mhrosiect am y tro cyntaf gan ddarlithydd, roeddwn wedi pontio’n ddiweddar i ail flwyddyn fy noethuriaeth. Ar y pryd, roeddwn yn ei chael hi’n her astudio ar wahân yng nghanol y pandemig ac roedd trafod y rhesymau pam yr oeddwn am oedi fy mhrosiect doethuriaeth yn fuddiol iawn i mi. Helpodd fy ngoruchwylwyr i mi fynegi fy nghymhellion (a oedd mor bwysig ar gyfer fy ffurflen gais), yn ogystal â chodi rhai pethau hollbwysig nad oeddwn hyd yn oed wedi meddwl amdanynt!
Er enghraifft, a ydych chi ar fin dechrau ysgrifennu eich darn dulliau, ar Ă´l misoedd o gasglu data â ai dyma’r amser y dylech fod yn meddwl am oedi eich doethuriaeth mewn gwirionedd? A yw’r interniaeth yn gysylltiedig â’ch pwnc? Beth ydych chi’n meddwl y byddech chi’n ei ennill o oedi eich doethuriaeth?
Yr hyn rwy’n ceisio’i gyfleu yma yn y pen draw yw ⌠pa werth ydych chi’n disgwyl i’r interniaeth ei ychwanegu?
I mi, nid oedd y gwerth yn gysylltiedig yn uniongyrchol â phwnc fy noethuriaeth ⌠ond mwy y byddwn yn cael profiad gwerthfawr mewn ymchwil gymdeithasol mewn sector arall; roeddwn yn awyddus i ddysgu sut y cynhaliwyd ymchwil mewn lleoliad diwydiant yn hytrach nag un academaidd. Roeddwn hefyd am ddatblygu fy sgiliau cyfathrebu y tu allan i’r byd academaidd, gan ddysgu sgiliau iaith ac ysgrifennu adroddiadau priodol i bolisi. Yn olaf, o ystyried fy nghariad at ddata, roeddwn yn awyddus i ddatblygu fy sgiliau dadansoddol a meithrin sgiliau cyflwyno priodol ar gyfer lleoliad busnes.
Y pwynt yw â aseswch y manteision o oedi cryn dipyn o amser allan o’ch doethuriaeth.
- Rhowch ddigon o amser ar gyfer y broses ymgeisio
Nid yw’n broses gyflym!
I roi syniad i chi, rwyf wedi nodi rhai pwyntiau allweddol o fy mhroses ymgeisio:
Hefyd â fel nodyn ategol â yn y rhan fwyaf o achosion, ni allwch wneud cais am interniaeth yn ystod tri mis cyntaf eich rhaglen na’r tri mis olaf. Os ydych yn awyddus i wneud interniaeth, gwnewch yn siĹľr eich bod wedi meddwl am yr amser iawn i wneud cais ac wedi gwirio unrhyw ganllawiau y gallai fod yn rhaid i chi gadw atynt!
- Cynlluniwch, drafftiwch ac ailddrafftiwch eich ffurflen gais!
Dyma oedd fy nghamau yn ystod fy mhroses ymgeisio:
- Paratowch ar gyfer eich cyfweliad
Ar Ă´l y trafodaethau arferol am y lleoliad, eich sgiliau/profiad ac ati, mae adran i chi ofyn cwestiynau! Dyma’ch cyfle i ofyn cymaint o gwestiynau perthnasol ag y gallwch, fel y gallwch geisio darganfod ai’r lleoliad arfaethedig yw’r dewis iawn i chi.
Fy mhrif gwestiynau oedd a fyddwn yn gallu cysylltu â staff eraill y tu allan i’m âtĂŽmâ yn Llywodraeth Cymru; beth oedd canlyniadau disgwyliedig fy mhrosiect; sut olwg fyddai ar fy niwrnod gwaith (efallai y bydd amser hyblyg yn dda os ydych yn aml yn defnyddio’r hyblygrwydd y mae’r ddoethuriaeth yn ei gynnig); ac yn bwysicaf oll gofynnais sut y byddai gweithio ar-lein yn gweithio. Gan nad oeddwn yn gallu mynd i mewn i adeilad Llywodraeth Cymru oherwydd y pandemig, trafodais gyda hwy sut y byddwn yn cael fy nghefnogi, ac a fyddent yn rhoi hyfforddiant/offer i mi.
- Ymchwiliwch i gynhaliwr yr interniaeth!
Nid yw ymchwil byth yn dod i ben! Defnyddiais wefan Llywodraeth Cymru a llwyfannau cyfryngau cymdeithasol a gofynnais i fyfyrwyr eraill am eu profiadau interniaeth (y da a’r drwg), i gasglu gwybodaeth am yr hyn y gallai fy interniaeth ei olygu ac ethos y gweithle â roedd LinkedIn yn ddefnyddiol iawn i mi mewn gwirionedd! Bydd unrhyw beth y gallwch ei ddysgu cyn i chi ddechrau yn fuddiol!
Rwy’n gobeithio bod y postiad hwn wedi dechrau gwneud i chi feddwl pâun ai interniaeth doethuriaeth syân gweddu orau i chi a sut i sicrhau bod eich cais yn llwyddiant!
Am y tro, cadwch lygad am y postiad nesaf, a fydd yn ymdrin â âSut y gallai interniaeth doethuriaeth fod o fudd i chi!â
Jodie
Os hoffech gysylltu â mi i ofyn unrhyw beth am fy mhrofiad interniaeth neu hyd yn oed i sgwrsio am fywyd/ymchwil ddoethurol â gallwch ddod o hyd i’m manylion cyswllt isod.
E-bost â lukerjr@caerdydd.ac.uk
Twitter academaidd â @jodie_luker
Instagram academaidd â @phd_hate_harms