Y cam cyntaf yw darganfod pa brifysgolion partner yn YGGCC sy’n cynnig hyfforddiant ymchwil a goruchwyliaeth yn y maes rydych chi am weithio ynddo. Mae 15 llwybr hyfforddi ar draws 7 prifysgol yn YGGCC. Nid yw pob llwybr ar gael ym mhob prifysgol. Mae ein tudalennau Llwybrau yn rhoi manylion am y pynciau sydd ym mhob llwybr. Os nad ydych yn siŵr ym mha lwybr hyfforddi y mae eich prosiect ymchwil arfaethedig, cysylltwch â’r Arweinydd Llwybr a enwyd i gael cyngor.   

Dylech ddatblygu ymdeimlad cyffredinol o’r prosiect ymchwil rydych am ei ddilyn yn eich PhD, ac yna mynd at academydd yn un o sefydliadau partner YGGCC mewn llwybr sy’n addas i’ch prosiect. Rhaid i’r prif oruchwyliwr fod wedi’i leoli yn un o’r adrannau/ysgolion achrededig. Mae’r tudalennau staff academaidd ar wefannau sefydliadau partner YGGCC yn lle gwych i ddechrau, bydd gan y rhan fwyaf o’r tudalennau staff academaidd fywgraffiad sy’n manylu ar eu maes pwnc o ddiddordeb.   

Fel arall, gallwch fynd at Cynullydd Llwybr YGGCC, a fydd yn eich helpu i ddod o hyd i oruchwyliwr addas.   

Rydym yn cydnabod bod gan fyfyrwyr brofiad amrywiol o lunio cynlluniau ymchwil. Fel rhan o’n hymrwymiad i ehangu cyfranogiad, anogir holl oruchwylwyr YGGCC i gefnogi ymgeiswyr i ddatblygu cynigion, gan adeiladu ar eu cryfderau a’u profiadau penodol.    

Unwaith y byddwch wedi dewis eich llwybr a’ch sefydliad, dylech wneud cais ffurfiol drwy dudalennau’r brifysgol berthnasol. Gwnewch yn siŵr eich bod yn cynnwys yr holl wybodaeth a dogfennau angenrheidiol yn eich cais. Rhaid anfon pob dogfen erbyn y dyddiad cau ar gyfer ceisiadau, ni dderbynnir ceisiadau anghyflawn.  

Caiff eich cais ei adolygu gan yr adran/prifysgol lle mae eich darpar oruchwyliwr wedi’i leoli. Mae hyn yn caniatáu iddyn nhw benderfynu ar gynnig lle PhD i chi.  

Os ydych yn llwyddiannus ac yn cyrraedd y rhestr fer, cewch eich gwahodd i gyfweliad gan banel llwybr. Os bydd eich cyfweliad yn llwyddiannus, bydd eich cais yn cael ei enwebu gan yr Arweinydd Llwybr i Fwrdd Rheoli YGGCC i’w adolygu. Bydd eich darpar oruchwyliwr hefyd yn cwblhau Dadansoddiad o Anghenion Datblygu Cychwynnol i asesu eich profiad a’ch gofynion hyfforddi. Yna bydd YGGCC yn cysylltu â chi i gadarnhau eu bod wedi derbyn eich cais.   

Yn dilyn adolygiad gan is-grŵp cystadleuaeth arbennig y Bwrdd Rheoli, bydd YGGCC wedyn yn cysylltu â’r holl ymgeiswyr enwebedig i roi eu canlyniadau. Os byddwch yn llwyddiannus, anfonir cadarnhad o lythyr ariannu atoch y bydd angen i chi ei dderbyn neu ei wrthod o fewn pythefnos. Unwaith y byddwch wedi derbyn y cynnig, bydd gofyn i chi fynychu cyfarfod gydag Arweinydd Hyfforddiant YGGCC i gwblhau eich Dadansoddiad o Anghenion Datblygu Llawn.  

Bydd ymgeiswyr llwyddiannus yn cwrdd ag Arweinydd Hyfforddiant YGGCC a fydd yn defnyddio’r Dadansoddiad o Anghenion Datblygu Cychwynnol i helpu i adolygu eu profiad a’u hanghenion hyfforddi yn fanwl, gan gyfateb hyn â darpariaeth hyfforddi yn YGGCC. Bydd hyn yn caniatáu i’r Dadansoddiad o Anghenion Datblygu Llawn gael ei gwblhau, gan nodi hyfforddiant gofynnol a sefydlu hyd y dyfarniad.   

Unwaith y bydd hyd y dyfarniad wedi’i gadarnhau, byddwch wedyn yn cael llythyr dyfarnu ffurfiol a llythyr ariannu gan y sefydliad rydych wedi gwneud cais iddo.   

Dim mwy na dwy dudalen 

Rhaid i’r llythyr eglurhaol gynnwys y pwyntiau bwled canlynol fel is-benawdau:  

• Nodwch eich rhesymau a’ch cymhelliant dros wneud cais i astudio ym Mhrifysgol XXXX, a’r llwybr academaidd XXXX.   
• Beth yw eich dealltwriaeth a’ch disgwyliadau o astudio doethuriaeth?  
• Rhowch fanylion am eich diddordebau academaidd cyffredinol, yn enwedig y rhai sy’n ymwneud â’ch maes ymchwil arfaethedig.  

• Gan sôn am eich cefndir eich hun (gan gynnwys eich profiadau bywyd, taith i/drwy brifysgol, profiadau gwaith neu wirfoddoli) rhowch grynodeb o pam eich bod yn barod i ymgymryd â PhD nawr a sut byddwch yn ffynnu o ganlyniad i gyllid PhD. Efallai y byddwch am gynnwys, er enghraifft, heriau personol rydych wedi’u goresgyn neu gyflawniadau rydych yn falch ohonynt yn eich gwaith, eich astudiaethau neu brofiadau bywyd a sut mae’r rhain yn cyd-fynd â’r sgiliau sydd eu hangen i ffynnu mewn rhaglen PhD a gwneud cyfraniad cadarnhaol i YGGCC. Gallai heriau gynnwys, ymhlith eraill, nodweddion gwarchodedig, statws economaidd-gymdeithasol a bod yn ddarpar fyfyriwr cenhedlaeth gyntaf i fynd i’r brifysgol neu â phrofiad o ofal.  
• Gan fyfyrio ar eich cefndir a/neu ddull arfaethedig o astudio PhD a’r cyfleoedd y bydd yn eu cyflwyno, sut byddwch yn cefnogi amrywiaeth a chynhwysiant yn y gymuned PhD?  

Dim mwy na dwy dudalen 

Ddylai’r cynnig ddim bod yn fwy na 1,000 o eiriau, heb gynnwys cyfeiriadau llyfryddiaethol. Awgrymwn eich bod yn defnyddio’r pum pennawd canlynol yn eich cynnig ymchwil:   

• Teitl, amcanion a phwrpas yr ymchwil;   
• Trosolwg byr o’r llenyddiaeth academaidd sy’n berthnasol i’ch maes;   
• Dyluniad/dulliau arfaethedig;    
• Cyfraniadau academaidd eich ymchwil.   
• Cyfeiriadau Llyfryddiaethol   

Rhaid i’r ymgeiswyr ofyn i’r canolwyr eu hunain, a chynnwys y geirdaon yn eu cais. Rhaid i’r geirdaon fanylu ar gryfderau ymchwil yr ymgeisydd.

Gan gynnwys cyfieithiadau os yw’n berthnasol 

Gweler gofynion sefydliadol ar gyfer mynediad